明乾小館 (Under Renovation)

位於尖沙咀厚福街8號H8呢間♥︎明乾小館♥︎新開張冇幾耐，呢段時間做梗優惠，入座免茶介，中午全單九折，晚市重有八折添，真係好抵食🤑呢到裝修得相當優雅，一入門口個招牌超靚勁搶眼👍🏻座位夠闊落，坐得相當舒服。超鍾意佢嘅舊式熱水壺，粉紅色花花設計😍比你地加熱水用，店主連呢啲細緻位都精心挑選，好有心🫶🏻啲點心全部即叫即蒸，熱辣辣，飲茶最緊要點心同茶夠熱👍🏻♥︎手剁鮮牛肉腸$48推介大家必食之選😋腸粉皮薄，最正係用手剁鮮牛😍有咬口又有牛肉鮮味👍🏻出面比較少食到♥︎彩虹🌈蝦餃$68啲蝦餃皮上左啲橙橙綠綠嘅食用顏料😍好似啲金魚噤勁靚，未食已經好吸晴👁️👁️啲蝦新鮮彈牙👍🏻♥︎黑金流沙包$22黑色拼金色造型，賣相型格👩🏻‍🎤包皮鬆軟，滿滿流沙😋竹炭粉做包皮重冇噤甜👍🏻♥︎素翅鮑魚湯餃$58湯汁濃郁鮮味👍🏻湯餃餡料足，勁多素翅，一隻鮑魚仔♥︎黑松露小籠包$68皮薄肉嫩，加上黑松露香，食起上來更加矜貴😬♥︎金沙芝麻卷$38呢啲功夫點心，好難得有得食，師父灑上食用金粉，靚到好似食梗件藝術品噤🤩入口煙韌，芝麻味重👍🏻以前啲人叫佢做菲林🎞️卷😬