新竹園軒

Open Now

Now Closed

位於尖沙咀五礦大廈嘅❣︎新竹園軒❣︎係一間人氣中菜廳，由竹園海鮮飯店嘅原班底主理，裝修舒服乾淨，迴旋樓梯上，地下仲鋪上紅地毯，盡顯高貴氣派😍12:30前離座仲有早市特價，多款點心都係$19.8咋😮來嘆下午茶仲有85折優惠添，芝士蝦球伊麵都係$98咋😀鍾意飲茶食中菜嘅千祈唔好錯過。❣︎潮州粉粿❣︎$19.8粉粿晶瑩剔透，軟糯可口，內餡嘅沙葛清甜爽脆，仲跟埋碟辣椒油比你，相當貼心。❣︎甘筍咸水角❣︎$19.8用左甘筍汁來搓皮，所以外形係橙橙地色，入口外酥內軟餡料足，炸得唔會太油膩👍🏻❣︎脆皮金沙蝦腸❣︎$50即叫即炸熱辣辣，腸粉包住油炸鬼，鮮蝦大隻彈牙，外層仲有蔥花同蝦米，色香味俱全。❣︎芝士蝦球伊麵❣︎$98芝士鋪滿成隻碟😍味道濃郁，配埋超掛汁嘅伊麵勁邪惡😈蝦球超大隻勁鮮味彈牙😋❣︎紅豆沙❣︎(贈送）每枱都會送糖水架😋而家真係買少見少，紅豆入口軟腍，清甜仲有果皮香超好食。