Video
Read full review
2024-12-09
0 views
今日去咗尖沙咀食午飯，近近哋就到十三姨食新潮粉麵飯。下午1:30pm見店內已經坐滿了顧客，似乎都有好多國內遊客幫襯，好彩仲有一張四人枱，order咗一粉一飯一串燒散餐。牛肋條銀針粉湯底微微帶濃唔鹹幾好味，比我當係餐湯全部飲晒，放上炸乾蔥及蒜片，而銀針粉軟韌有口感，再加入幾條腸粉及粉皮，仲有芽菜仔同埋椰菜絲撈埋，令到整碗銀針粉口感複雜趣怪。而牛肋條炆得啱啱好兼牛肉味香濃無臊味，都有五舊細細嘅牛肉，溫泉蛋又嫩又滑非常易入口。大三元乾蔥手撕雞肉食時再撈醬油，手撕雞較乾身口感不俗，雞火腿用雞髀肉做，軟滑Juicy而雞肉味道非常清淡，雞肉醬油撈飯食味及配搭都算幾好idea。蔬菜串燒燒矮瓜椒鹽調味料清淡，食到矮瓜蔬果鮮味。翠玉瓜燒得夠熟，而且非常脆口，味道帶少少黑胡椒，e支班！雞髀菇煙煙韌韌有咬口。燒豆角算係高難度動作，燒得好有水準。甜粟米較為乾身咗啲，蔬菜串燒整體水準一流，好過好多日本串燒餐廳。餐廳裝修一般，枱面細小，屬於比較狹窄逼夾。筷子匙羹餐具及樓面都算清潔乾淨，店員服務態度可以。可惜餐廳大門損壞打開無法關閉，有啲似坐喺街邊食粉麵，粉麵撈埋啲西北風一齊享用，真係有啲食滯咗！餐店似乎喜歡支付寶
牛肋條銀針粉
湯底微微帶濃唔鹹幾好味，比我當係餐湯全部飲晒，放上炸乾蔥及蒜片，而銀針粉軟韌有口感，再加入幾條腸粉及粉皮，仲有芽菜仔同埋椰菜絲撈埋，令到整碗銀針粉口感複雜趣怪。而牛肋條炆得啱啱好兼牛肉味香濃無臊味，都有五舊細細嘅牛肉，溫泉蛋又嫩又滑非常易入口。
大三元
乾蔥手撕雞肉食時再撈醬油，手撕雞較乾身口感不俗，雞火腿用雞髀肉做，軟滑Juicy而雞肉味道非常清淡，雞肉醬油撈飯食味及配搭都算幾好idea。
蔬菜串燒
燒矮瓜椒鹽調味料清淡，食到矮瓜蔬果鮮味。翠玉瓜燒得夠熟，而且非常脆口，味道帶少少黑胡椒，e支班！雞髀菇煙煙韌韌有咬口。燒豆角算係高難度動作，燒得好有水準。甜粟米較為乾身咗啲，蔬菜串燒整體水準一流，好過好多日本串燒餐廳。
餐廳裝修一般，枱面細小，屬於比較狹窄逼夾。筷子匙羹餐具及樓面都算清潔乾淨，店員服務態度可以。可惜餐廳大門損壞打開無法關閉，有啲似坐喺街邊食粉麵，粉麵撈埋啲西北風一齊享用，真係有啲食滯咗！餐店似乎喜歡支付寶和微信支付及八達通，但係唔收 Apple pay。
Post
