CARAT Fine Indian and Mediterranean Cuisine (盈豐商業大廈)

Open Now

Now Closed

前排去尖沙咀剪頭髮，搵到間環境幽靜嘅印度地中海餐廳食午餐，整體感覺幾好幾新鮮。首先試咗佢哋嘅茅屋芝士球菠菜蓉咖哩，一粒粒嘅芝士浸係加咗濃濃印度香料嘅菠菜醬入面，香得嚟非常惹味。茅屋芝士亦相對健康，可以放心食多啲。印度煎餅方面，我同朋友試咗Roti，比普通Naan厚身同軟，接近麵包嘅質地。我哋揀咗扁豆粉香料麥烤餅，唔使點醬就咁食，已經香氣撲鼻，我哋仲點咗啲菠菜蓉咖哩一齊食，多重享受。主菜叫咗乳酪番紅花薄荷羊肉香飯，羊肉飯有好多大大粒羊肉，雖然大大鍋，但印度米比較輕身，唔會驚太飽。而且可以撈乳酪食，辣得嚟有少少甜甜地，味道幾特別。甜品就叫咗玫瑰糖蜜餞球，玫瑰蜜餞好香，食落甜甜地軟腍腍，好似日式和菓子，不過一啖呑哂之後發現原來係熱食，雖然辣親但係又幾好食。抱住獵奇嘅心態試咗Chaas呢個飲品，初入口有啲酸奶嘅感覺，跟住有啲鹹味，飲到喉嚨仲有啲辣，係一款好特別好多層次嘅飲品。