八居酒屋 (天文臺道) (Closed)

位於尖沙咀嘅八居酒屋環境唔錯，人流唔會太多，而且坐得舒服，最適合同朋友聚舊。食左幾款燒物同串燒🍢，覺得仙台牛舌厚燒同埋免治雞肉串最值得推薦。牛舌非常厚切，食落去爽口嫩滑，而且牛味夠濃郁，略帶炭火燒烤嘅味道，配上甜甜地嘅燒汁同埋日式芥末醬，我同朋友都非常鍾意。免治雞肉串嘅雞肉入面加上雞軟骨，食落去有咬口，雞肉串嘅話燒到啱啱好，食落去有肉汁。串燒配上蛋黃醬油，食落去份外惹味，而且價錢合理，值得一試！