Opa Mediterranean Bar and Bistro (Closed)

昨日係happy Friday,跟同事即刻直落尖東chill下。其實之前食過，氣氛環境都好靚，加上同事又想食地中海菜，甘就立即入去食餐好既地中海茄泥醬皮塔包放在附近，個包暖暖的，配搭清新的茄泥醬都好易入口，包有彈性，很有咬口。茄泥醬有溫和的咸味，加上有石榴粒，希臘芝士，甚有口感。地中海烤雞成個木盤上真係好精緻,半邊燒雞外皮燒至金黃，皮脆肉香，雞肉嫩滑，入味，面層係辣椒醬，蘸上醬汁，辣度接受到既。薯條夠粗有咬感，很香脆，點上乳白色酸醬，感覺唔錯，仲有新鮮黑醋沙律，無甘肥膩。香蒜橄欖油意粉素食者都應該岩食，意粉韌度唔錯，加上橄欖油是健康，加入辣椒，香蒜都有香辣味道，炒得很乾爽，吃起來很惹味朱古力心太軟伴雲尼拿雪糕朱古力心太軟熱上的，切開食到濃郁朱古力醬，配上凍冰冰的香甜雪糕，十分滿足。仲有我們叫左野飲傾下計Django呢個好lady 感覺，酸酸甜甜，我都中意lemonade的酸度，很醒胃Pulp fiction很香的桃味，加上茶香，很有水果茶的感覺，而且加片乾果片就已經令杯飲品很有藝術感。