居酒屋·姫 (Closed)

位於天文臺道斜坡上既居酒屋✨ 環境以木系裝修風格為主調，牆上貼滿清酒招紙，仲有一間擺滿figure既包廂房，好啱同朋友傾計聚會🥰❀ 嚴選季節特上六款刺身盛合 🐟擺盤好精緻🥰 由廚師精選6款時令刺身，有佐藤海膽、腦天、薄切池魚、平政、鯛魚白子及燒螢光魷魚✨ 海膽味道鮮甜，入口即溶💕腦天經微微炙燒，入口魚油滿溢，魚味濃郁甘香，肉質軟嫩☺️ 池魚鮮嫩爽口，平政厚切肥美✨ 白子口感綿密嫩滑，配上蘿蔔蓉及蔥花更顯鮮味，而螢火魷魚爽脆又多膏😍❀ 牛面頰有馬山椒煮 🐮牛肉肉質軟腍入味，醬汁味道濃郁，食落鹹鹹甜甜好惹味，亦帶有有馬山椒獨特香氣～底部墊有豆腐同樣吸引晒醬汁精華☺️❀ 厚切牛舌芯 🐮每件都好厚身，口感爽彈多汁，牛味濃厚，蘸以蜜糖芥末醬食更滋味🥰❀ 雞翼 🐥原隻燒雞翼燒至金黃色，外皮又香又脆，肉質保持嫩滑又juicy👍🏻❀ 雞皮 🐥雞皮香脆可口，食落油脂豐富但唔會太油膩❀ 松葉蟹肉釜飯 🦀打開木蓋後見到有滿滿既松葉蟹肉😍 店員會幫忙將蟹肉、蔥花及釜飯撈勻，入口鮮香味十足，加埋飯焦既焦香味增加口感