Papa Joe (Closed)

今晚同朋友食晚飯，一時興起想食墨西哥菜，選擇咗呢間係諾士佛台嘅餐廳。餐廳好闊落，佔據晒全層，位同之間隔得好遠，好有私隱。墨西哥脆片：每次食墨西哥菜都一定要點。唔似出邊某啲餐廳直接用薯片，呢間餐廳真係用粟米片，值得一讚。上菜嗰陣熱辣辣，啲芝士仲係半溶，牛油果醬都俾得好多，唔會食幾塊就冇晒，好滿足。牛肉餡餅：其實啲配料同墨西哥脆片嗰啲差唔多，唔同係佢焗左，餡料入面有牛肉，都係熱辣辣，牛肉好冧，超級惹味。