漁道樂 (Closed)

係疫情之下冇得去日本旅行，但又想食間正宗日本野，呢間係幾唔錯既選擇。環境都好和式，座位多，仲有要除鞋類似Tatami 既卡位。除左Menu 上既食物，牆身仲會寫有時令/精選食物。牡蠣和牛係一舊嫰滑既半熟蠔披住入口即溶既和牛，成件事Fancy得黎又好夾，不愧為推介之選！燒油甘魚頭鮫估唔到一個魚頭鮫都可以有好多肉，油甘魚鮫燒到外脆內嫰滑多汁，啖啖肉又好香口。海葡萄抹茶冷麵海葡萄口感特別，真係好似葡萄咁，粒粒爽口彈牙。抹茶冷麵份量多，帶有淡淡抹茶香，連埋海葡萄一齊食，口感豐富。生蠔刺身呢個係北海道赤崎生蠔，肉質肥美新鮮，食落鮮甜有海水味，配埋紫蘇葉、蘿蔔蓉、蔥花同少少醋，都好提鮮。極上壽司大盛總共有8件壽司，店家會因應當造食材而有所更改，今次有海膽、帶子、吞拿魚、深海池魚、牡丹蝦等等。當中海膽最為出色，非常鮮甜，完全冇腥味。 白桃梳打飲落桃味香濃，甜甜地，唔係化學桃味，配埋燒魚頭鮫都好夾。梅酒加冰梅酒香醇，夾埋大粒冰就令梅酒更易入口，女士們都飲得到。