Via Tokyo (Closed)

以前食過銅鑼灣既Via tokyo，不過對於新界人黎講就太遠啦！所以知道尖東開左就衝過去啦！果然冇失望！一入到去裝修仲靚過銅鑼灣，又大啲，而全店都係日式木裝修勁有feel勁靚。之後點餐，店員都好有禮貌！可能係因為真係日本鋪啦，好似去左日本咁！我地叫左一個牛乳雪糕，一個抹茶蕨餅丸子雪糕。一黎到就比用貝吸引住，啲碗都勁有日本風。丸子同蕨餅煙煙韌韌好好味，而抺茶味亦都好濃。所以相對下牛乳雪糕就失色啦，可能因為食完抺茶再食牛乳覺得有少少淡味！不過整體都好滿意，野食好味、裝修又靚、服務又好、又日本，係港女週末之選呀！