The Grill Room (The Humphreys)

Open Now

Now Closed

🌻今日嚟到尖沙咀同家姐食咗呢一間我平時都中意去既西餐廳！間餐廳嘅嘢食都幾大份，所以我哋兩個女仔都只係叫左一人一個主菜！🩷🥩燒美國安格斯肉眼扒配黑松露薯蓉出晒名牛魔王嘅我就梗係食呢度既肉眼扒啦，份量好大，有成16安士! 我就叫咗3分熟，肉質鮮嫩多汁，切落去中間係剛剛好嘅紅色！旁邊配上香草汁同牛肉燒汁，牛肉沾上醬汁，更有層次。黑松露薯蓉，口感軟滑，每一口都充滿着香濃嘅黑松味！🐟鐵板燒汁烤吞拿魚扒配蒜蓉銀鱈魚椰菜花外表好吸引嘅吞拿魚扒，有兩大塊，中間呈誘人嘅深粉紅色，5分熟剛剛好，口感多汁。旁邊嘅椰菜花，吸收曬魚嘅精華，真係回味無窮。⭐️P.S. 環境十分舒適，上菜好快，服務員都十分殷勤，會再次到訪。