Video
Read full review
2024-03-06
32 views
雖然依家個個都北上消費，對於住屯元天嘅朋友仔嚟講北上仲快過過海，但對九龍友嚟講，其實無咁嘅精力、時間同毅力北上，所以唔係話北上消費咁簡單，呢個亦係點解始終要有內地過江龍店嚟香港開店嘅原因。呢間西塔老太太主打韓式燒肉，仲要開係尖沙咀，唔洗北上都食到😬環境估唔到係開係舊尖東一帶，個人覺得呢頭好似比較少人？星期五晚18:30嚟未到食飯時間，但一到19:00已經full house！勁旺場，睇嚟我嘅擔心係多餘。餐牌有Set抵食咁多，當然叫Set啦！但鍾意散叫都大把選擇。 招牌烤肉2-3人餐 $698如果單點套餐內嘅食物原價要$852，依家$698就食到，有7款食物，仲包前菜任添，平均每碟$100，尖沙咀地段可算係性價比高。全程職員會繞場一圈咁幫客人燒肉，我哋開頭18:30未有太多人時，店員會幫我地燒埋，但由於之後太full house，店員唔會企定定幫你燒，所以自己都要睇下火翻下面。 老太太特色瘦牛 瘦牛顧名思義肥肉較少，但牛肉依舊彈性足帶油脂，沾店家特調芝麻蒽醬更惹味。 老太太特色肥牛肥牛肥膏嘅部份大約比瘦牛多一倍，但又不至於過肥膩，我比較鍾意食瘦牛嘅人都接受到。 燒汁橫隔膜相對上油脂少一點
環境
估唔到係開係舊尖東一帶，個人覺得呢頭好似比較少人？星期五晚18:30嚟未到食飯時間，但一到19:00已經full house！勁旺場，睇嚟我嘅擔心係多餘。
餐牌
有Set抵食咁多，當然叫Set啦！但鍾意散叫都大把選擇。
招牌烤肉2-3人餐 $698
前菜
0 views
0 likes
0 comments
老太太特色瘦牛
老太太特色瘦牛
3 views
0 likes
0 comments
瘦牛顧名思義肥肉較少，但牛肉依舊彈性足帶油脂，沾店家特調芝麻蒽醬更惹味。
老太太特色肥牛
肥牛肥膏嘅部份大約比瘦牛多一倍，但又不至於過肥膩，我比較鍾意食瘦牛嘅人都接受到。
燒汁橫隔膜
燒汁橫隔膜
9 views
0 likes
0 comments
雪花肋條
本身牛肋部位運動量較少，加上店家都標明為雪花肋條，相對上肉質軟嫩，油花分布均勻。
豬五花
除咗牛，都有豬肉食，包菜之選定必係豬五花，超肥美，店員都話比較肥，燒燶啲香口啲會好食啲😂燒到皮脆，肉微焦再剪開將尙未轉色嘅部位燒一燒就剛好，包菜食加上韓式醬汁食啱哂。
錫紙金針菇
入面都有用少少辣椒、蒜蓉調味。
芝士粟米粒
除咗芝士粟米粒都加咗蟹柳粒，一定要趁熱拉芝咁食。
Post
