啤啤Bear韓國包車

Open Now

Now Closed

平時喺尖沙咀食韓國嘢，都會特登行遠少少去韓國街，但係原來發現諾士佛臺呢條酒吧街都有韓國餐廳㗎喎！又唔使行咁遠，咁梗係要試吓啦！天氣凍，好想烚吓烚吓，所以我就叫咗個部隊鍋，另外有叫咗個炸醬麵，最後點少得要食炸雞㗎！在家兩杯Cocktail，Perfect！首先講吓個部隊鍋，用料好足，鋪咗滿滿嘅腸仔同埋午餐肉，仲有啲泡菜同埋洋蔥，吸晒入面啲辣味，非常惹味。炸醬麵係有芝士做底，芝士撈埋啲炸醬麵一齊食，好食！炸雞份量好多，每舊都大大嚿，不過呢啲炸粉厚咗少少，但係勝在炸得好脆，所以都唔錯。呢間韓國餐廳真係喺尖沙咀呢個地區入面嘅性價比之鬼，又平又大件，而且味道都唔差，下次多人再encore！