大樹燒烤 (Closed)

黎到尖沙咀厚福街食野，有座叫H8既大廈，入面都幾多餐廳，今次去左大樹燒烤。環境好大，裝修都好新潮，坐位好闊落。呢到主要係食串燒，佢有爐熱住，唔怕食物會凍，亦都有調味比你自己落，十分貼心。薄切牛舌份量都唔少，燒到岩岩好，保持肉汁，好香牛味，油脂味重。燒雞腎串 雞腎燒得岩岩好，調味好好，食落爽口彈牙，另外都可以自行再加孜然粉，十分香。新疆羊肉串 羊肉一啲都唔會覺得蘇，而且孜然調味有少少辣，幾好食）燒雞軟骨雞軟骨燒到卜卜脆，好有咬口，調味唔錯。燒得香脆同夠乾身。大大大茄子黎到真係好大個燒茄子，鋪滿左金蒜, 配料仲有葱花,同辣椒。茄子保持入面軟冧，蒜蓉味好濃，好惹味，必食推介。燒韭菜蔬菜好新鮮，見到成即時人手串，唔會好乾身，保持蔬菜濕潤，調味香口。大樹烤活蝦size岩岩好，燒到卜卜脆，頭之外成隻都食得。蝦肉新鮮，肉質鮮嫩，十分推薦。青椒釀蝦滑青椒係辣個種，十分惹味，呢個串燒都係第次食，十分特別。麻辣無骨雞掌無骨食得好爽，成隻就咁食，軟骨位置好食，推薦之一。燒土豆片薄薄一片，燒到半薯片咁，有脆有軟，調味似薯片，加上芝麻好香口，好香薯仔味。粒粒粟米串人手一粒粒串，好好心機。佢係用糯米粟，口感軟糯，