百川薈

Open Now

Now Closed

今日喺尖沙咀行街，無意中發現一間新開食烤魚、雞煲嘅餐廳，裝修簡約而清新，見到門口嘅餐牌價錢合理，所以就入去坐低。首先揀咗一份「烤魚」，舖頭有三款魚可以選擇，我就揀咗「鱸魚」，辣到都有幾個選擇，今次揀咗「微辣」。烤鱸魚炸到脆卜卜，再放平底爐入邊，加上微辣醬汁，加熱嚟食，魚肉冇腥味，魚皮脆卜卜，魚肉非常鮮嫩，再加上醬汁，真係食到唔停得口，平底爐入面預先有配菜：蓮藕、黃芽白等等，蔬菜吸收咗醬汁嘅味道，非常惹味。再加上「手切安格斯牛肉」，將佢放入醬汁湯底入面煮熟，熱辣辣，即煮即食，牛肉好新鮮、好香滑，十分推介。另外仲追加一個小食「炸軟殼蟹」，幾十蚊有兩隻軟殼蟹，軟殼蟹都好鬆脆，識叫即制，好新鮮，而且好抵食。食辣嘢一定要配飲，我揀咗「凍菊花菜蜜」，大大杯、非常解渴。