嘉寶漢堡 (和益中心)

Open Now

Now Closed

尖沙咀抵食漢堡🤩搬左新舖後座位多左好多，唔洗次次排咁耐隊。以尖沙咀快餐來說，價錢都相當抵食，難怪長期都咁好生意。芝士牛堡麵包輕輕煎過，咬落帶點鬆軟。入面夾住牛、芝士、蕃茄，生菜等，賣相同味道都無得輸。蜜糖芥末菠蘿牛堡如果好怕食漢堡會好乾身的話，叫呢個咁juicy既burger就啱哂。鮮甜多汁既菠蘿配埋蜜糖芥末醬，味道同層次都相當豐富。薯條升級左套餐，可以揀份小食同飲品。薯條係比較厚身果種，外層夠哂香脆。炸燒賣另一份套餐小食就揀左炸燒賣。估唔到份量都唔少，燒賣既口感比較煙韌，唔想食薯仔類炸物又想特別啲，揀呢款就啱哂。