Video
Read full review
2023-05-10
51 views
《尖沙咀擺盤精美的鐵板燒》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧以前覺得鐵板燒好油膩，但係自從試過一次之後就完全改觀。今次就去咗尖沙咀試一下《N.28 Teppanyaki》試一下午市廚師發辦套餐$680。套餐包含六款時令海鮮，美國牛肉厚燒/黑豚肉、特色炒飯和甜品。前菜茶碗蒸、沙律和味噌湯北海道海膽茶碗蒸除左主角北海道海膽之外，仲有蟹肉、魚肉係蒸蛋入面，加上高湯蒸煮，口感非常幼滑。飛魚子北海道天使蝦他他店員連玻璃罩一齊送上枱面，緩緩打開後可以見到煙霧離漫嘅感覺。天使蝦他他有天然嘅甜味同埋少許咸味嘅飛魚子真係絕配，最後嘅柚子汁帶返酸味出嚟，整體感覺好開胃。香煎北海道帆立貝師傅預先用左食用花裝飾碟子，再放入香煎帶子、鮟鱇魚肝和羊肚菌煮成嘅醬汁，帶子鮮甜又彈牙，鮟鱇魚肝嘅醬汁鮨香味濃，好有驚喜。有馬山椒配銀鱈魚銀鱈魚魚皮部分煎到香脆，師傅將魚皮摺疊成立體再加上鮮花做裝飾。銀鱈魚魚肉部分鮮嫩多汁，而有馬山椒帶番咸甜味道出嚟，層次非常豐富。鐵板大虎蝦足足有成隻手掌咁長嘅海蝦，配搭香濃海膽配松露醬。海蝦非常彈牙又鮮甜，有濃郁嘅松露味。清酒煮地蛤湯地蛤大隻又肉厚，本身味道已經好鮮甜，加入
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
以前覺得鐵板燒好油膩，但係自從試過一次之後就完全改觀。今次就去咗尖沙咀試一下《N.28 Teppanyaki》試一下午市廚師發辦套餐$680。套餐包含六款時令海鮮，美國牛肉厚燒/黑豚肉、特色炒飯和甜品。
前菜
茶碗蒸、沙律和味噌湯
北海道海膽茶碗蒸
除左主角北海道海膽之外，仲有蟹肉、魚肉係蒸蛋入面，加上高湯蒸煮，口感非常幼滑。
飛魚子北海道天使蝦他他
店員連玻璃罩一齊送上枱面，緩緩打開後可以見到煙霧離漫嘅感覺。天使蝦他他有天然嘅甜味同埋少許咸味嘅飛魚子真係絕配，最後嘅柚子汁帶返酸味出嚟，整體感覺好開胃。
香煎北海道帆立貝
師傅預先用左食用花裝飾碟子，再放入香煎帶子、鮟鱇魚肝和羊肚菌煮成嘅醬汁，帶子鮮甜又彈牙，鮟鱇魚肝嘅醬汁鮨香味濃，好有驚喜。
有馬山椒配銀鱈魚
銀鱈魚魚皮部分煎到香脆，師傅將魚皮摺疊成立體再加上鮮花做裝飾。銀鱈魚魚肉部分鮮嫩多汁，而有馬山椒帶番咸甜味道出嚟，層次非常豐富。
鐵板大虎蝦
足足有成隻手掌咁長嘅海蝦，配搭香濃海膽配松露醬。海蝦非常彈牙又鮮甜，有濃郁嘅松露味。
清酒煮地蛤湯
地蛤大隻又肉厚，本身味道已經好鮮甜，加入清酒後令到甜味更加昇華。
美國安格斯牛肉Prime Rib
我自己就叫左師傅煮到五成熟，內層牛肉非常粉嫩。因為沒有落任何調味料，所以可以根據自己嘅口味加入昆布鹽或者自家製麵豉醬，都有截然不同嘅味道和享受。
特色炒飯
加入左蝦乾、牛肉、洋蔥、炒蛋和蘿蔔絲而成嘅炒飯，夠晒火候。
甜品
是日甜品係朱古力味芝士蛋糕，香濃嘅朱古力味又唔會太甜。
總括嚟講食物種類多又新鮮，同埋廚師對火候嘅醬汁同擺盤都十分講究，值得一試再試。
如果唔想錯過其他好介紹，記得follow我呀😘
多謝大家！！！
୨୧┈┈┈┈┈┈┈┈┈┈┈┈┈┈┈┈┈┈┈
Post
