大喜屋 (Closed)

今次黎到尖沙咀食放題，其實通常食放題我都會揀觀塘或者旺角，因為好似較為集中。呢間都好近地鐵站，5分鐘路程左右。選擇都大同小異，不過佢就冇自助區域，全部野都係落單處理連飲品都係，不過飲品其中一個位好貼心，就係有熱飲提供。刺身大致新鮮後尾叫既蝦刺身都唔會覺得”梅”咁。小食同沙律都唔差黃金蝦外殼OK脆，好香咸蛋味。壽司手卷全部都係SIZE細細，方便大家可以試多幾款。我地仲試下蟹粥，一碗都唔少，仲有粟米粒，算鮮味不過蟹肉可以多D就好。另外，有個網燒牛肉可以ENCORE，個汁好好味，又唔會搶左個牛味甜品方面就較少選擇，不過雪糕都有3個品牌比大家揀，不過不失啦。如果鐘意係落左單之後自己去拎下野食呢，呢間就唔係太啱你。質素上，呢間都OK，加上旺區咁既價錢都唔錯啦。