新南苑私房菜 (Closed)

今晚相約老朋友食飯，去左尖沙咀新南苑私房菜度打邊爐，貪佢地點方便就腳，而且有180分鐘任食，可以慢慢食，最怕趕頭趕命。我地點了牛牛餐，係最平的180分鐘餐。跟餐有冰鎮鮑魚，仲有刺身拼盤。鮑魚好入味，好結實彈牙，好食！刺身都好厚肉新鮮！之後我地要左雞煲，有半隻雞，都好滑，雞煲味道調教得不錯，不太辣又惹味！之後揀左冬瓜盅湯底，幾有趣！而且比想像中鮮甜！牛肉拼盤，有M9澳洲射和牛，美國 極上牛肉， 熊本一口牛和中國安格斯牛小排和本地手切牛頸脊！牛肉賣相普通，但食落牛肉味濃，口感不錯！丸黎講，各款丸都唔錯， 唔係粗製濫造丸！ 個人幾鍾意 豬骨濃汁貢丸和蝦丸，真彈牙有咬口！飲品選擇多，仲有自家製茶品，雪糕雪條就普通d, 雀巢牛奶公司為主。