Video
Read full review
2024-12-13
149 views
2024年11月30日 星期六呢排周圍都開始掛滿聖誕燈飾，所以就同BB成日出街影相，等佢感受一下聖誕氣氛，呢日影完相之後竟然喺尖沙咀見到呢一間新開張冇耐嘅餐廳，網上面見到其他分店評價都唔錯，之前仲有做卡通人物主題既食物添，一直都想搵機會去試下，見當時冇乜人排隊，入面仲有一兩張枱可以入座，所以就決定入去試試見到餐牌都有好多款式可以選擇，而我哋入座嘅時間啱啱好做緊晚餐，仲有晚市套餐可以揀添，雖然已經冇咗卡通人物主題既食物，但見到餐牌嘅食物圖片仍然好吸引，特別係餐廳嘅主打疏乎厘，於是我哋就點左一個all day breakfast，一份意粉同一份疏乎厘share三個人食，店員都話應該好足夠等咗大約15分鐘，all day breakfast就首先送上，有好多配料，放滿晒成個碟，當中有煙三文魚、牛油果、漢堡扒同太陽蛋等等，味道煮得啱啱好，唔會太過鹹，漢堡扒啱啱好熟透，完全唔覺得韌，牛油果就好新鮮，同加滿蜜糖既多士一齊食，味道更加夾呢個係酥炸軟殼蟹意粉，放咗成隻軟殼蟹喺上面，size都幾大，咬落去香脆，充滿蟹肉同蟹香，意粉就煮得啱啱好，有咬口之餘又掛汁，會啖仲食到蟹肉添！！飲品方面，老婆要咗熱嘅
呢排周圍都開始掛滿聖誕燈飾，所以就同BB成日出街影相，等佢感受一下聖誕氣氛，呢日影完相之後竟然喺尖沙咀見到呢一間新開張冇耐嘅餐廳，網上面見到其他分店評價都唔錯，之前仲有做卡通人物主題既食物添，一直都想搵機會去試下，見當時冇乜人排隊，入面仲有一兩張枱可以入座，所以就決定入去試試
見到餐牌都有好多款式可以選擇，而我哋入座嘅時間啱啱好做緊晚餐，仲有晚市套餐可以揀添，雖然已經冇咗卡通人物主題既食物，但見到餐牌嘅食物圖片仍然好吸引，特別係餐廳嘅主打疏乎厘，於是我哋就點左一個all day breakfast，一份意粉同一份疏乎厘share三個人食，店員都話應該好足夠
等咗大約15分鐘，all day breakfast就首先送上，有好多配料，放滿晒成個碟，當中有煙三文魚、牛油果、漢堡扒同太陽蛋等等，味道煮得啱啱好，唔會太過鹹，漢堡扒啱啱好熟透，完全唔覺得韌，牛油果就好新鮮，同加滿蜜糖既多士一齊食，味道更加夾
呢個係酥炸軟殼蟹意粉，放咗成隻軟殼蟹喺上面，size都幾大，咬落去香脆，充滿蟹肉同蟹香，意粉就煮得啱啱好，有咬口之餘又掛汁，會啖仲食到蟹肉添！！
飲品方面，老婆要咗熱嘅抹茶鮮奶，一嚟到已經充滿抹茶嘅香味，鮮奶係順滑嘅，同抹茶幾配合，飲品上面嘅拉花完全睇得到咖啡師嘅功力，拉得好靚
我呢個係人見人愛花茶，其實係玫瑰花茶，冇諗過會成壺咁上，味道幾清新，飲完可以解去食物嘅油膩感，飲完可以再叫店員添加熱水，兩個人share飲都好足夠
最後有期待已久嘅疏乎厘，呢個疏乎厘上面有藍莓醬同希臘乳酪，仲附有一球雲呢拿雪糕，疏乎厘質感好輕盈，食完都唔覺得有罪惡感，配上藍莓醬一齊食酸酸甜甜，食完更加開胃，希臘乳酪同疏乎厘都好夾，口感好豐富，我哋極速已經食完清碟
埋單五百幾蚊，食到勁飽，期待下次嘗試唔同口味嘅疏乎厘！！
Post
