Video
Read full review
2022-01-06
27 views
📍泰𝗚𝗿𝗶𝗹𝗹 (尖沙咀) 最近發現原來尖沙咀加連威老道新開左個Food Court，一於幫大家試一試啦！✨入面雖然環境唔太大，只有幾間餐廳選擇，但係好乾淨企理，裝修仲好有格調。😍而且佢同一般既Food Court好唔同，呢到係有人帶位架，咁就唔洗一班人喺到逼等位。坐低咗之後仲會有職員拎餐牌俾我哋睇，有齊晒咁多間餐廳，而且會有職員幫手送餐，仲會比水我地，超好服務超貼心！👍👍呢個Food Court超高質呀，加上價錢親民，而且仲會一路播住mirror既歌~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️青咖喱雞肉飯 ($65)呢到既青咖喱顏色係偏黃既💛，而且質地係比較稀，不過佢既椰香味好重好突出!! 佢食落唔算辣，但係都好合我心意，清清甜甜咁，佢個青咖喱要黎餸飯啱哂！😋佢既份量都ok，除左雞肉之外仲有好多椰菜花，超豐富!! ▪️香葉肉碎飯 ($72)肉碎既份量超多，而且充滿傳統香料既味道，食落香辣多汁，好惹味！另外仲會有一隻煎蛋🍳，整體配埋一齊食超夾超香，富有泰式風味！▪️冬陰功 ($98)冬陰功係我地既是日最愛❤️❤️🔥!! 佢既味道唔算太辣，不過就好夠酸。而且佢超足料，有好多菇同有大蝦🦐，所以令到個湯充滿
最近發現原來尖沙咀加連威老道新開左個Food Court，一於幫大家試一試啦！✨入面雖然環境唔太大，只有幾間餐廳選擇，但係好乾淨企理，裝修仲好有格調。😍而且佢同一般既Food Court好唔同，呢到係有人帶位架，咁就唔洗一班人喺到逼等位。坐低咗之後仲會有職員拎餐牌俾我哋睇，有齊晒咁多間餐廳，而且會有職員幫手送餐，仲會比水我地，超好服務超貼心！👍👍呢個Food Court超高質呀，加上價錢親民，而且仲會一路播住mirror既歌~
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️青咖喱雞肉飯 ($65)
呢到既青咖喱顏色係偏黃既💛，而且質地係比較稀，不過佢既椰香味好重好突出!! 佢食落唔算辣，但係都好合我心意，清清甜甜咁，佢個青咖喱要黎餸飯啱哂！😋佢既份量都ok，除左雞肉之外仲有好多椰菜花，超豐富!!
▪️香葉肉碎飯 ($72)
肉碎既份量超多，而且充滿傳統香料既味道，食落香辣多汁，好惹味！另外仲會有一隻煎蛋🍳，整體配埋一齊食超夾超香，富有泰式風味！
▪️冬陰功 ($98)
冬陰功係我地既是日最愛❤️❤️🔥!! 佢既味道唔算太辣，不過就好夠酸。而且佢超足料，有好多菇同有大蝦🦐，所以令到個湯充滿鮮味！上枱既時候仲會有個爐仔熱住，飲落去既時候成個人都暖笠笠!!
▪️串燒 (雞/牛/豬) (三串) ($48)
串燒我地選擇左雞牛豬都各一串，🍢三串都燒得好香口惹味，仲好juicy添。當中我覺得最出色既就係豬，🐷豬肉味超香濃，而且肉質嫩滑，配埋沙嗲醬食好滋味。
𝑨𝑫𝑫𝑹𝑬𝑺𝑺:
📍尖沙咀加連威老道46-48號恆隆銀行大廈70s Food Dining by Vintage House地下3號舖
Shop 3, G/F,70s Food Dining by Vintage House, Hang Lung Bank Building, 46-48 Granville Road, Tsim Sha Tsui
Post
