臻一鮨 (Closed)

今日去咗尖沙咀同屋企人行街之後就去咗重慶大廈附近搵咗一間新開嘅居酒屋食晚餐。餐廳以日式木系居酒屋設計，非常舒適，座位寬闊。一坐低，就有用蠟燭🕯️座熱嘅茶壺俾我哋飲茶，最鍾意飲茶嘅，我哋非常之開心。玻璃杯顯得我哋好高貴。餐廳店長有時令推介，池魚刺身、日本海膽、北寄貝、日本生蠔。我哋叫咗令和怪物生蠔。超大隻、好滑溜、感覺好似牛奶蠔，冇咩鐵銹味，再在蠔上面加上魚子，非常大方高貴。和牛稻庭烏冬黃牛非常之新鮮，脂肪比例均勻。 稻庭烏冬晶凝通透，烏冬非常彈口，超好味。牛油果軟殼蟹手卷軟殼蟹外脆內軟，再加埋牛油果🥑吸返多餘既油份prefect match. 香蔥吞拿魚蓉手卷超香吞拿魚蓉，再加埋香蔥嘅香氣，兩樣嘢夾埋超級好食。牛油果天婦羅星鏝卷鰻魚非常新鮮，再配合牛油果一齊做出天婦羅，幾有創意。吉列炸廣島蠔（配他他醬）超鍾意食廣島蠔嘅我，當然要叫吉列炸蠔。外面用麵包糠炸到好鬆脆, 咬落去蠔汁爆出，非常juice。松葉蟹肉蒸蛋用日本產雞蛋製作，非常濃厚雞蛋味。再加上松葉蟹肉在內，令平平無奇嘅蒸蛋，多點層次及味道。日式炸雞塊 （五件）雞肉非常嫩口彈牙，再加埋粉漿去炸。食落索索聲，好好食。