翔壽司 (Closed)

今日收工去咗食日式壽司店，雖然舖頭位置及空間都不大，不過主打平價廚師發辦套餐和壽司盛盒，壽司質素很好，壽司師傅都好專業和用心地製作，店員都好有禮貌和招呼。今次我點咗10件自選壽司套餐，包括有深海池魚，真鯛，帶子，火炙三文魚，赤蝦，火炙左口邊，辣味三文魚軍艦等等。店員會送上沙律及麵豉湯，沙律好新鮮，麵豉湯好熱，裏面有豆腐粒及海帶，不會太鹹味道適中。之後壽司師傅會送上自選10件壽司拼盤，當中深海池魚好新鮮和鮮味，帶子壽司好有鮮甜味配上鬆軟壽司飯很夾，火炙三文魚壽司燒完之後充滿魚油香融於口中好好味，辣味三文魚軍艦紫菜仲係卜卜脆，配上辣味三文魚好特別，壽司拼盤仲有配上酸薑。整體壽司價錢性價比高，壽司質素很高，值得推介。