丸一

Open Now

Now Closed

見到美麗華商場新開左一間日本餐廳，叫左丸一。入到去即刻感受到一種地道嘅日本氛圍，周圍都有唔少日本人，真係知道呢度食物一定唔錯！我仲有聽到老闆用日文同廚師交代菜色，感覺到佢地對食物嘅要求好高。我試咗佢哋嘅炸雞，外脆內嫰，Juicy到不得了，每一口都令人好滿足。而且如果你有選擇恐懼症，都唔使擔心，佢哋有拼盤可以選擇，包括有雞肉、豬肉、牛肉、內臟。飲品方面，不同嘅酒精飲品（例如hi-ball），一口氣就可以滿足不同口味。今晚就試左菠蘿chu-hi同生啤🍺最特別嘅係，佢哋有牛腸炒雜菜，呢個喺香港真係相當少見，牛腸夠肥，仲要用鐵板咁上，好香，對於鍾意食呢類嘢嘅人嚟講，真係會愛不釋手。再加上燒明太子豬肉卷，成餐食落去真係好滿足，彷彿置身於日本居酒屋，令人想再來一次！