Video
Read full review
2022-02-09
114 views
尖沙咀呢間沾麵都幾出名，見佢午市有lunch set，套餐只限星期一至五，好抵食，有飯有拉麵都係$45起，如果唔加嘢飲要加$5茶錢，餐廳入邊有紙巾同濕紙巾非常貼心！🍜特製八代海赤海老拉麵 $49 另收加一 (8/10)冇諗過$50一碗食拉麵可以咁足料，真心一啲都冇偷工減料同hea，有兩片叉燒，半隻糖心蛋，木耳，蔥花，筍片同埋櫻花蝦！湯底係豬骨湯，都幾濃，唔會太鹹，麵係幼麵，鹼水味太重，煮得比較淋😂叉燒正正常常，有燒過，切得比較薄，木耳葱花筍片都正常，櫻花蝦都幾香，整體來講都幾唔錯，除咗麵太重鹼水味，但$50呢個質素真係冇得輸，真係極高CP值！🫖烏龍茶 +$10 (7/10)正常支裝烏龍茶。推薦指數: 9/10午市套餐真係好抵食，係邊度食到$60一個拉麵，個湯同埋材料都有誠意，仲有埋嘢飲，快啲一齊去懲罰佢！
🍜特製八代海赤海老拉麵 $49 另收加一 (8/10)
冇諗過$50一碗食拉麵可以咁足料，真心一啲都冇偷工減料同hea，有兩片叉燒，半隻糖心蛋，木耳，蔥花，筍片同埋櫻花蝦！湯底係豬骨湯，都幾濃，唔會太鹹，麵係幼麵，鹼水味太重，煮得比較淋😂叉燒正正常常，有燒過，切得比較薄，木耳葱花筍片都正常，櫻花蝦都幾香，整體來講都幾唔錯，除咗麵太重鹼水味，但$50呢個質素真係冇得輸，真係極高CP值！
🫖烏龍茶 +$10 (7/10)
正常支裝烏龍茶。
推薦指數: 9/10
午市套餐真係好抵食，係邊度食到$60一個拉麵，個湯同埋材料都有誠意，仲有埋嘢飲，快啲一齊去懲罰佢！
Post
