聚鳥亭

Open Now

Now Closed

係尖沙咀行街時無意中試到呢間性價比十分之高既餐廳，一班朋友除左食放題邊爐/燒肉之外，日式居酒屋風既鍋物都超級適合！環境靜而有日式裝修，希望分享完下次仲有位食到🤪選擇困難症既我就揀左套餐，最抵食有海鮮同肉同主食鍋物湯底有4款選擇，全部都係每日新鮮熬，今次試嘅係豬骨湯，試起上嚟比平時火鍋湯底濃郁，仲有幾粒紅棗杞子，有養生嘅感覺~建議打邊爐前先飲啖湯，湯頭夠鮮無味精。然後就可以按次序海鮮->肉類->蔬菜->主食逐一品嘗。平均來說每樣品項都不錯，有精品食品既感覺。當中最有驚喜既係主食，今次選擇左手打拉麵，麵質煙韌，同湯底十分之夾，濃厚而不膩。仲有小小配菜以及紫菜。十分推介主食要試手工拉麵