Video
Read full review
2022-11-19
26 views
呢間喺尖沙咀天文台道嘅姫·居酒屋，佢哋嘅裝修風格好有日本居酒屋嘅風味，令人有種返鄉下嘅感覺，而且店員好熱情又好細心講解每道菜嘅用料。佢哋仲做緊優惠，book檯食晚飯就有八五折，如果喺九點後入座仲可享有七五折添，不過飲品及酒類不計。鰤魚酒粕漬配小松菜：酒粕係日本傳統嘅烹調方法，依家嘅鰤魚最肥美，魚味濃郁，配埋小松菜一齊食，味道會更豐富。炸日本長芋 長芋即係我哋所講嘅淮山，切成一條條再拎去炸，好似薯條，但口感較薯條有咬口，加埋佢哋嘅他他醬味道會更好。PH軟殼蟹玻璃紙沙律 ：呢度嘅沙律食嘅時候好方便，會用米紙包住啲菜同埋軟殼蟹，有啲似越南嘅春卷。日本銀鱈魚刺身：經過火炙輕輕燒過，更能逼出魚油，食落更加有油香味。蜜柑鯛刺身/2切：鯛魚本身自帶陣陣蜜柑嘅清香，只需蘸醬油就能食到魚嘅鮮味。十勝豆紙鰻魚卷鰻魚卷中間加咗芝士，其咸香味同鰻魚嘅鮮甜好夾，加埋口感同鰻魚亦都好配合，而佢哋用埋可食用嘅豆紙嚟卷，口感煙韌，食嘅時候更方便，亦令整體層次更為豐富。燒日本白鰻：白鰻魚嚟自日本，依家季節當造，所以特別肥美，肉厚飽滿，口感彈牙。燒得啱啱好，皮脆肉嫩，未食到流哂口水。自家制月見免治雞：平時食嘅免治雞都係一
佢哋仲做緊優惠，book檯食晚飯就有八五折，如果喺九點後入座仲可享有七五折添，不過飲品及酒類不計。
鰤魚酒粕漬配小松菜：酒粕係日本傳統嘅烹調方法，依家嘅鰤魚最肥美，魚味濃郁，配埋小松菜一齊食，味道會更豐富。
炸日本長芋
長芋即係我哋所講嘅淮山，切成一條條再拎去炸，好似薯條，但口感較薯條有咬口，加埋佢哋嘅他他醬味道會更好。
PH軟殼蟹玻璃紙沙律 ：呢度嘅沙律食嘅時候好方便，會用米紙包住啲菜同埋軟殼蟹，有啲似越南嘅春卷。
日本銀鱈魚刺身：經過火炙輕輕燒過，更能逼出魚油，食落更加有油香味。
蜜柑鯛刺身/2切：鯛魚本身自帶陣陣蜜柑嘅清香，只需蘸醬油就能食到魚嘅鮮味。
十勝豆紙鰻魚卷
鰻魚卷中間加咗芝士，其咸香味同鰻魚嘅鮮甜好夾，加埋口感同鰻魚亦都好配合，而佢哋用埋可食用嘅豆紙嚟卷，口感煙韌，食嘅時候更方便，亦令整體層次更為豐富。
燒日本白鰻：白鰻魚嚟自日本，依家季節當造，所以特別肥美，肉厚飽滿，口感彈牙。燒得啱啱好，皮脆肉嫩，未食到流哂口水。
自家制月見免治雞：平時食嘅免治雞都係一串串，呢度做成一個火山形狀，中間位置有無菌日本蛋，食嘅時候將蛋同肉拌勻，令雞肉食嘅時候多添一份蛋香，亦令其入口更順滑。
櫻花蝦炸野菜餅：用多款嘅蔬菜連同櫻花蝦所做嘅野菜餅，香脆可口，口感酥脆，油膩感比想像中少。
吸物：係師傅自家熬製嘅魚湯，亦係呢度用嚟作海鮮湯麵嘅湯頭，可想而知有幾濃。
雪糕：自家製嘅牛奶雪糕，用咗高級嘅日本牛奶所做，有濃郁嘅奶香味，甜度適中。
梅酒 ：係師傅自家釀制，出面飲唔到呢隻味道，入口順滑，無平時飲酒嘅澀味，好重梅酒嘅香甜味，我自己好鍾意。
Post
