Video
Read full review
2021-12-11
50 views
🐂尖沙咀日本A5 熊本黑毛和牛養生竹笙松茸野菌鍋🐂呢期見個個都去食和牛火鍋，燒到我呢個火鍋控都好想食返餐火鍋，今次去到尖沙咀一間專門食「岩手黑毛和牛ビーフ」的火鍋店，餐廳裝修夠光猛，而且坐得舒服比較闊落，佢地除左有靚牛，仲有好多養生湯底，見到網上好多人點招牌花膠響螺雞金鍋，今日想清清地點了「野生竹笙松茸野菌鍋」試吓🥢七味炸雞軟骨$38呢到除左有火鍋仲有刺身同開胃送酒小食，今日就點左雞軟骨，炸得香口爽脆🥢野生竹笙松茸野菌鍋$98上檯時真係嘩一聲，成個湯非常多蟲草花，仲有好多菇菌竹笙，先飲一口湯非常鮮味，好似飲緊老火燉湯咁，一路食一路飲左唔少湯🥢A5熊本黑毛和牛和尚頭$78和尚頭係牛腿肉下中間嘅位置，油脂比較少，但係會感到佢好軟熟，可以品嚐到和牛的甜味🥢A5熊本黑毛和牛封門柳$88封門柳係個人最鍾意食嘅部位，呢個部份係肋骨旁邊，喺橫膈膜附近，一隻牛只有一條嘅咋非常珍貴，而且牛味最濃，而且切得有少少厚度，食落有口感🥢A5熊本黑毛和牛三筋肉$108三筋肉油花比較多，食落口感會比較爽啲，中間有少少脂肪，感覺帶少少油脂感覺唔錯🥢A5熊本黑毛和牛西冷$128牛西冷係油花好美的部分，有剛剛好嘅咀嚼感，
🐂呢期見個個都去食和牛火鍋，燒到我呢個火鍋控都好想食返餐火鍋，今次去到尖沙咀一間專門食「岩手黑毛和牛ビーフ」的火鍋店，餐廳裝修夠光猛，而且坐得舒服比較闊落，佢地除左有靚牛，仲有好多養生湯底，見到網上好多人點招牌花膠響螺雞金鍋，今日想清清地點了「野生竹笙松茸野菌鍋」試吓
🥢七味炸雞軟骨$38
呢到除左有火鍋仲有刺身同開胃送酒小食，今日就點左雞軟骨，炸得香口爽脆
🥢野生竹笙松茸野菌鍋$98
上檯時真係嘩一聲，成個湯非常多蟲草花，仲有好多菇菌竹笙，先飲一口湯非常鮮味，好似飲緊老火燉湯咁，一路食一路飲左唔少湯
🥢A5熊本黑毛和牛和尚頭$78
和尚頭係牛腿肉下中間嘅位置，油脂比較少，但係會感到佢好軟熟，可以品嚐到和牛的甜味
🥢A5熊本黑毛和牛封門柳$88
封門柳係個人最鍾意食嘅部位，呢個部份係肋骨旁邊，喺橫膈膜附近，一隻牛只有一條嘅咋非常珍貴，而且牛味最濃，而且切得有少少厚度，食落有口感
🥢A5熊本黑毛和牛三筋肉$108
三筋肉油花比較多，食落口感會比較爽啲，中間有少少脂肪，感覺帶少少油脂感覺唔錯
🥢A5熊本黑毛和牛西冷$128
牛西冷係油花好美的部分，有剛剛好嘅咀嚼感，牛味跟脂肪味道均勻
🥢日本佐賀名水豚梅花肉$68
梅花肉脂肪少，入口有豚肉的香氣及口感軟滑
🥢自家精制麻辣和牛餃$48
一客有六隻的手工牛餃，皮厚度剛剛好，麻辣味比較溫和少少香氣，餃子再𢳂一碗湯一齊食，感覺好似食灌湯餃咁好正
🥢即炸午餐肉$38
即炸熱辣辣既午餐肉就咁食都好脆
🥢珊瑚蚌$88
最鐘意火鍋點呢款港式火鍋配料，爽脆鮮甜
🥢菠蘿梳打特飲$38
🥢茘枝乳酸梳打$38
🥢淳茶舍 大紅袍鳥龍$22
🥢醬油人頭費/$10位
🥢呢到的火鍋價錢覺得幾合理，個湯底好似燉湯咁濃又足料，價錢都唔洗一舊水，配上美味日本直送和牛，雖然要收醬油費，但我連豉油都冇點，原汁原味咁食個湯都夠好味，而且地方比較空間感，帶朋友嚟傾偈打邊爐呢度就最啱嘅選擇啦
Post
