時代冰室 (Closed)

時代冰室嘅菜式比較豐富選擇有好多，最緊要價錢又平民非常抵食。蟲草花鴨髀湯配烏冬麵湯底濃郁香醇材料豐富，有鴨髀肉、小白菜、香菇、瓜肉、白蘿蔔、枸杞、蟲草花。清淡唔膩配上口感煙韌嘅烏冬麵完全夠飽肚。生炸雞髀雞髀即叫即整，一上枱就香味四溢，雞皮炸得金黃色非常脆口，雞肉又嫩滑又有肉汁。High tea 層層疊擺盤擺得好精緻，賣相已經令人好有胃口。三層每一層都各有不同菜式多樣。有沙律菜配炒滑蛋、有腸仔薯餅及雞翼、最上邊一層又有濃味嘅西多士。選擇咁多總有一層啱你口味，非常適合同多個朋友出來high tea 時試下。鐵板拉絲芝士肉醬燴薯皇呢個一定要趁熱食先好食！薯條軟嫩細膩，有芝士又有肉醬加上薯條，幾樣配搭一齊就已經好惹味。肥牛鐵板飯鐵板燒出來嘅味道香噴噴、飯粒分明又焦香，食落熱辣辣哋感覺，肥牛又大塊肉質又唔係好差。總體感覺就係份量足夠味道又唔差！紅豆冰 奶茶涼粉冰紅豆冰飲落甜甜啲，紅豆份量多，有紅豆味又又小小奶味。涼粉冰茶味比較濃，我叫左小甜所以唔會好甜，食完飯食兩啖涼粉飲啖奶茶，感覺好解膩。