榴槤樂園 (金巴利道) (Closed)

繼上次人生第二次食榴蓮製品之後，今次黎到依間榴槤主題餐廳再挑戰過😂係可以confirmed我依家真係冇細個嗰時咁抵抗隻榴槤味，又話者依個係人大左既改變🙈😭 依家個味係可接受同幾新奇，既然啲人話食榴槤係好似食雪糕咁，咁我諗我ready下次可以挑戰下真榴槤肉喇👀-依間榴槤餐廳好誇張，除左有唔同品種既榴槤可以原個食之外，佢地既小食、飲品、甜品，都係有榴槤起裡面嫁😮配鹹點配甜點都一樣整得幾夾👍🏻最鐘意係個榴槤芝士撻，有得揀熱食或者凍食，兩款都一樣咁好味😍-飲品叫左貓山王奶蓋，下面係配茶，奶蓋食到榴槤肉幾creamy😊但我好失智咁跟我個無糖主義既朋友叫左無糖🙂所以個茶有啲苦澀唔太鐘意🤦🏼‍♀️-食太多甜野可以叫返個榴槤pizza解饞😋餅底脆卜卜，芝士入面有濃濃既榴槤味🍕-最後再黎個榴槤雪糕做甜品🍨依個就cream太多喇好膩呀😕但好彩有espresso同酸莓加埋一齊食，可以中和返去解膩炸💁🏻‍♀️-‼️最重要係，無論你黎食過乜都好，都唔好唔記得臨走前要食左香口膠先好出門口呀🙈