榴槤樂園 (金巴利道) (Closed)

在Klook見到500ml榴槤芝芝厚奶有買一送一優惠，58蚊有兩杯，可以分開換取，身為榴槤控馬上被吸引了。先讚讚入口榴連味香濃，甜度適中完全無假榴連味，榴連控一定會好滿足！可惜係～講明芝芝但奶蓋唔厚，入落比較似實少少的奶泡，芝味被榴連香味遮蓋一切但都唔算太奇怪，不過奶蓋質感真心唔掂，唔講以為無奶蓋！至於厚奶質感偏水沒有奶的濃滑感總而言之⋯⋯榴連味香濃，推介俾榴連愛好者來嘗嘗呢杯有優惠買杯ok嘅原價俾錢就唔太值了

為左食榴槤而黎無訂位 但下午茶時間二樓無開，樓下得1-2個枱既位置坐好彩去到時無人，所以有位坐。叫左個榴槤芝士蛋糕🍰，有榴槤味得黎都唔會遮曬芝士味會令人食完一個接一口。仲叫左榴槤摻摻，凍既甜品，一小圈既脆脆入口有榴槤醬coating,但冰粉就無咩味，加入煉奶會帶出多少少榴槤味，但都係相對淡味，不太推介呢個。最後仲有榴槤芝芝杏奶甜味岩岩好，超厚實芝士同榴槤真係好似飲緊成個榴槤，但又唔會太甜，最有驚喜就係呢杯榴槤特飲。買野要自己去櫃檯買但佢會送食物到座位既，所以唔算服務差，只係正常，所以比較建議買外賣好了😂

剛好在尖沙咀staycation，下午茶我們選了位置較隔涉但很多人好評的榴槤樂園。榴槤樂園的的鮮黃色舖面很易辨認，我們用Openrice的外賣頁面，所以不用排隊等候，而我們嘗試了榴槤芝士撻，榴槤飛碟和榴槤芝芝抹茶。三款食品榴槤味道不算濃郁，對榴槤迷來說可能覺得比較清淡，但對於一般甜品愛好者來說卻又恰到好處，雖然寶寶覺得味道可再濃一點，但考慮遷就我這樣的一般甜品客，我們覺得這是能平衡兩種需求的出品，而且價錢合理，味道也很好，值得推介。

下午茶時間專程行去想食個榴槤下午茶點知去到話無位，見樓下得四張細枱三張有人坐樓上就唔開，咁我哋諗住等一陳，等位啦，等咗幾分鐘其中一張枱走喇我末又再問店員係咪有位喇，點知個中年女人店員先話兩張枱都有人已經訂咗位……咁點解一早唔講呢？態度又差，原全係唔想做生意嘅態度，呢間嘢真係唔會再去試，就算唔使錢都係咁話

係klook買一送一既榴槤芝芝厚奶，買同兌換都好方便，可以揀分開2杯換領既QRcode，又可以揀一次拎哂2杯既QRcode價錢：50蚊2杯榴槤芝芝厚奶，好抵飲，抵飲過珍珠奶茶味道：真係有放榴槤入去，大大舊冰凍榴槤肉加冰打出黎，飲落好有榴槤味，冰冰涼涼，入口香甜順滑，好啱夏天。不過加既係奶粉，如果用鮮奶整會仲正，奶蓋就正常普普通通，榴槤味濃會蓋左地點：佐敦站D2出口，都要行大約7，８分鐘，位置比較入，要特登行入去下次要試埋其他榴槤甜品

經klook買左買一送一優惠卷，網頁話到明可以堂食/外賣，掃完碼照好惡咁問做咩入去，唔可以入去架喎，要人出面食沖野個女人手套都唔帶，好唔衛生，態度差勁完全冇服務態度，好似唔休做咁，連擺左出黎既吸管都唔比人拎，係咁話唔洗吸管架啵，已經分左2次去，員工服務態度都係咁差，難怪拍烏英杯野係好飲既，但係比較多奶，榴連味較淡，上面果層芝士奶蓋係好味，不過太薄，啜一下就冇左，整體而言對得起價錢見到係門口電視播話咩個創業者投資左7位數字開舖，其實不如請個好啲服務態度嘅員工返嚟更有效

呢日嚟個榴槤甜品下午茶🔸榴槤芝芝豆奶原來豆奶同榴槤係咁夾㗎～～呢杯凍飲有香濃嘅豆奶味又有榴槤味仲啜到啖啖榴槤肉～推介👍🏻🔸榴槤芝士撻呢個撻嘅榴槤味唔算好濃烈，撻皮嘅牛油味幾香，適合初次試食榴槤嘅朋友🔸榴槤奶凍造型別緻，整到成個迷你榴槤仔咁Kawaii ne ～～～入口有榴槤香味，口感滑溜，入面竟然仲有一絲絲榴槤肉，喜出望外喎😋呢到嘅榴槤甜品做得出色，榴槤味香，又唔會太甜！榴槤愛好人士必試！

作為榴連既愛好者一直想試呢間榴連樂園好耐今日專登唔食晏為左留肚去呢度食個tea🧉·由尖沙咀站行過去要10分鐘左右有少少唔就腳🤭•♡𝙈𝙪𝙨𝙖𝙣𝙜 𝙆𝙞𝙣𝙜 𝘽𝙪𝙗𝙗𝙡𝙚 𝙏𝙚𝙖（$𝟰𝟱）細細杯既貓山王奶茶🧋第一啖已經覺得個榴連味好濃郁好似好足料但就食唔到榴連肉個感覺好奇怪😂明明食到好濃味但就見唔到佢個樣咁珍珠稍稍偏硬 · 唔夠q彈感♡𝘿𝙪𝙧𝙞𝙖𝙣 𝙏𝙤𝙬𝙚𝙧($𝟴𝟴)層次分明既榴連芭菲塔一層cream一層脆脆一層榴連肉個cream好滑加埋一粒粒既脆脆仲有主角既榴連肉🤤個口感好豐富♡𝘿𝙪𝙧𝙞𝙖𝙣 𝘾𝙝𝙚𝙚𝙨𝙚 𝙏𝙖𝙧𝙩($𝟮𝟴)榴連芝士撻上枱時仲微溫🥧聞落無榴連香但當切開榴連撻果陣個榴連味一湧而出🌬裡面芝士半凝固食落好creamy撻皮好香牛油味外脆內軟既口感呢舊野真係不得了😎

前日(30-10-2021 Sat）同老公食完厚厚一片後,佢話要食呢間嘅榴槤甜品=.=”,我哋去到睇menu同想搵位坐,收銀話冇晒位.我哋問上唔上得去?佢答未ready.未ready,即係要客人買咗後,企喺喥等地下啱啱坐低嘅客人食完定點?之後竟然有4個客人跟住入嚟,個收銀至問樓上嘅職員ready未,然後叫人上去,而且原來喺上面同樣可以點餐.我哋上到去坐低,睇完一輪menu,就決定要:1. 老公嘅男友人NT推介,$42.00嘅榴槤奶凍造型係一個白雪雪開咗嘅榴槤,呢個味道恰當唔太濃,亦有榴槤肉.味道:4分2. $46.00嘅榴槤芝芝抹茶店員端上嚟時,話呢個唔使用飲筒飲.但唔用飲筒我就開頭只飲到有榴槤味嘅芝士奶蓋,之後至飲到甘嘅綠茶,咁樣分開味道好咩?然後我哋就打開蓋,用飲筒攪勻嚟飲.味道:3分3. 第二杯半價$23.00嘅榴槤綠豆沙冰呢個兩隻味都飲到,味道亦溫和唔太濃,唔錯.味道:5分服務:除咗上面話安排座位麻麻地外,嘢飲等好耐;然後店員拎杯白雪雪嘅飲嚟,話榴槤芝芝奶.我睇返我哋張單,冇叫呢樣,應該係俾錯咗.好彩佢有講係咩嚟,否則飲錯人哋嘅就唔好.抵食係2.5分

我第一次去榴槤樂園係疫情前，佢全橦黃色既building，非常搶眼，而且有兩層所以感覺好舒適所以我之後有機會都介紹朋友去, 我自己都去左兩、三次餐廳內裝潢好特別，好多打卡位，又有好多榴槤POPS，影相傾計都可以起碼座一個鐘頭不過可能疫情既關係，少人食左，食物質素都變差了........當日我叫左榴槤Tiramisu，諗住即場食點知.....硬到"不"唔到囉好似放左係冰格好耐拎出黎咁好彩榴槤Tiramisu係用膠會裝既，我可以拎走不過因為太凍，之後溶左D再食，D味都係怪怪地，好似食左粒冰咁

價錢貴，服務水準低。出品size 迷你，食完甜品要杯水都話冇，但係幫襯食原個籕槤就可以有杯水！埋單咩，樓下櫃面有八達通但就要你俾現金，俾張500蚊佢又話冇錢找要你落去樓下拍咭，不知所謂！

試左杯嘢飲 榴槤味好淡 覺得佢應該無俾足料 飲到到最尾果幾啖係飲水咁樣樣 連想俾多次機會佢既感覺都無 下次吾會再黎飲 垃圾而且店員服務態度差 無咩禮貌 感覺間野都應該就快會摺埋

今日得貓山王無得揀…不過貓仔都係好食之選。店員幫手揀左隻3磅幾4磅既，唔算皮薄，有4房正常，第5房就發育不良。食左兩條係creamy 同甜既，之後就有微苦既感覺…啲核就有大粒有細粒，咁岩我揀既多數係細核，大核既就畀曬人。雖然價錢係貴，但有個地方畀你食完榴槤畀完錢就走人唔駛執手尾係唔錯既。下次都係打電話問下有咩貨先再幫襯。

叫左個雪糕加貓山榴連$88雪糕超甜 未食過甜到甘既雪糕舊榴連雪到結冰 雪到爛甘原本想叫多個榴連cheese cake 食完個$88之後已經無期望 唔值$88另外叫意米水，正常。有啲後悔入左嚟食。

感覺上夏天就是要食榴槤，雖然好多人都不喜歡食，但亦都有好多人喜歡食。今日突然發現了這間位於尖沙咀的榴槤樂園，見網上訂位有折扣優惠，就急不及待去訂位。三年榮獲米芝蓮推介，果然不錯👍👍榴槤的飲品有很多款，但最後選擇了最簡單的榴槤芝士豆奶$52，本來想叫榴槤抹茶，但怕味道太複雜，最後還是選擇了較簡單的豆奶，我想說真的很好味😋榴槤味很突出。當然除了飲品之外，亦要叫一個甜品，最吸引的就是榴槤芝士蛋糕$48，全是榴槤的味道，一口榴槤豆奶，一口榴槤蛋糕🍰感覺太滿足了。