泓居酒屋 (Closed)

放工同朋友去咗尖沙咀食飯吹水🍻，佢揀咗位於廣東道嘅樓上「泓居酒屋」，大廈位置喺正海港城對面。本身以為平日晚上未必爆場，始終唔係地舖嘛，誰不知餐廳人氣好高呢。居酒屋環境幾四正🏮，偏向新派路線，和風味反而無咁重。後尾行近窗邊先知原來望出去個風景都幾靚。同時，店員服務態度非常好，有禮貌得嚟又貼心👍。店員先為我哋送上餐前小食：涼拌韭黃🥢。居酒屋主打串燒，我哋嗌咗幾串試吓🍖，包括明太子雞翼($38)、安格斯牛柳粒($48)、荔枝鹿兒島豚肉燒($42)同埋翠玉瓜($22)。荔枝豚肉卷爆汁🐷，雞翼釀滿明太子粒，但原來得一隻，只適合一人自私食🍗。原味玉子燒($78/6切)，🍳玉子燒唔錯喎，蛋味香濃，兼且富有層次。雖然佢無餡料，不過加咗啲蜜糖一齊燒，食落甜甜的🍯。關東煮($72)，🍢一碗關東煮蘊含多種食材，例如有魚餅、蒟蒻、海帶、蘿蔔同雞蛋等。高湯夠熱又惹味，再沾埋黃芥辣醬食，口味正宗🤤。魷魚飯($82)，小食如其名，魷魚中間塞滿糯米飯🍚，質感煙韌軟糯，非常飽肚。魷魚味道濃烈，估唔到就連個汁都帶有魷魚香🦑。炸日本金針菇($68)，🍄金菇撕成一絲絲，每條蘸粉油炸，炸至金黃香脆，口感幾得意，佐酒一流。日本豆