京都鐡板居酒屋 (Closed)

選擇困難症又想食日本野嘅朋友可以考慮下呢間喺尖沙咀K11附近嘅京都鐵板居酒屋，集合晒壽司刺身、串燒以及鐵板燒於一身☺️餐廳以包箱及吧枱為主，尤其鐵板燒包箱，私隱度頗高👍🏻刺身5點有拖羅、帶子、牡丹蝦、三文魚腩以及魷魚，拖羅油脂感滿分！帶子牡丹蝦亦相當鮮甜，每款2切每人一件啱啱好🤤壽司10貫有海膽三文魚籽、仲多咗火炙拖羅同左口魚邊，坐喺吧枱仲可以見住師傅即席處理魚獲😀串燒拼盤共5串：豬腩、雞腿肉、雞軟骨、杏鮑菇、翠肉瓜，火喉恰到好處，味道正常鐵板燒方面，就算唔係食鐵板燒餐都可以叫一品料理例如法式鵝肝配紅酒黑醋、甘鯛魚立鱗燒，都係鐵板燒會叫嘅菜式，相當有質素☺️