鮨一 (厚福街)

Open Now

Now Closed

好耐之前已經嚟過一次, 呢間日式居酒屋🏮環境舒服, 木系裝潢, 特別有日本風情🎏～ 日本直送新鮮食材, 佢哋啲刺身款款夠新鮮！🐟池魚王 (薄切)師傅將池魚王切到非常之薄, 上面有金箔點綴, 成個賣相變得矜貴✨！質感爽口、有彈性, 完全冇腥味, 魚油甘香細膩, 充滿鮮味, 再配埋柚子醋, 更能帶出池魚獨特嘅清香～🍣上十貫目壽司有三文魚、劍魚腩、油甘魚、帆立貝、牡丹蝦、三文魚籽等等。各款刺身都好新鮮, 壽司用上赤醋飯, 酸甜味平衡。我覺得最特別係帆立貝壽司🍣, 加咗柚子皮作點綴, 多咗一份清新感！🦐縞蝦刺身蝦肉厚實, 肉質爽彈, 非常鮮甜🥗鮨一沙律將多款魚生切粒再混入沙律菜裏面, 加上微酸嘅醬汁, 清新開胃！