aga Restaurant & Bar

Open Now

Now Closed

朋友同我慶祝生日，所以就帶左我嚟尖沙咀嘅AGA 輕輕鬆鬆食個晚餐聚下吹吹水。餐廳環境都好舒適，有個落地大玻璃感覺都好開揚闊落，除左室內之外，仲有室外既露台位可以揀添。餐廳主打西式菜式，最後我地就叫左兩個主菜同一個小食Share一齊食。小食方面就叫左份 煙三文魚牛油果沙律，一嚟到都睇都我地嘩嘩聲，個擺盤相當靚，煙三文魚同埋牛油果砌成花花咁，完全係打卡able，當然佢嘅材料都好新鮮，牛油果同煙三文魚都好夠味，沙律配上黑醋欖油汁一齊食，唔錯！主菜就 明太子珍寶帶子扁意粉 ，超鮮味嘅帶子加上卜卜脆蟹籽同埋明太子醬依個配搭都已經唔錯，而佢嘅意粉軟硬適中，汁量又均勻，食落好creamy。另一主菜就係西班牙風乾火腿薄餅，脆卜卜嘅薄薄皮，加上足料嘅充滿鹹香西班牙風乾火腿同埋濃郁芝士，非常之香口，完全係食完一塊又一塊呀！