Wavy Bar & Restaurant

Open Now

Now Closed

今日收工難得想happy hour朋友介紹咗呢間位於尖沙咀天文臺道嘅樓上隱蔽酒吧。酒吧空間感非常大，唔會令人好侷促區仲有桌球、beer pong玩，有時仲會可以有live表演，所以都幾多節目。佢前牌做緊新開張優惠，叫一個小食就會送一杯飲品，第二杯半價，真係好抵。叫咗泰式松阪豬，食落去似豬頸肉，又嫰又多汁，餐廳好特別，用泰式口味去煮，酸酸辣辣咁，食落去又好開胃。最抵食係佢有10蚊燒蠔 有四隻味，京燒 蒜蓉 川燒 泰式。每隻蠔大大，咬落去非常肥美多汁，尤其推介蒜蓉同泰式，超級惹味。明太子烏冬，烏冬爽口彈牙，忌廉又夠滑，掛汁度一流。佢仲有唔少自家製嘅Cocktail店主仲會因應個人口味而特別推介，所以女仔都唔洗擔心，飲品都非常易入口。