Anjappar Chettinad Indian Restaurant

Open Now

Now Closed

依間印度餐廳係全球有多間分店，而且歷史悠久，店內全部員工都係印度人，更有唔少印度食客光顧，夠晒正宗！餐廳環境寬闊乾淨，假日中午去到都好滿座，仲有唔少香港人棒場呢～❀ Chicken’65依款炸雞外皮香脆，肉質嫩滑唔乾，用上65款香料醃製，所以味道香濃，意外地又唔會太重香料味。炸雞仲可以配埋蒜蓉酸甜醬食，酸辣惹味❀ Fish Tikka烤魚係用鐵板上枱，食落熱辣辣好香口。魚肉好嫩滑又juicy，而且醃得好惹味，帶有少少辣。表面既配菜新鮮爽口，加埋檸檬汁更有提鮮作用。旁邊仲有特製乳酪醬，酸酸地又帶點薄荷味，可以中和油膩感❀ Kadaai Chicken印度咖喱雞味道濃郁又creamy，咖喱入面仲用左多款配料煮，例如：蕃茄及胡椒等，食落有少少辣，而雞肉都煮得幾腍❀ Garlic Naan依款印度烤餅厚身又鬆軟，底部香脆。烤餅有香濃大蒜味，熱辣辣配埋咖喱食味道更香～❀ Bamboo Biriyani (Mutton)第一次見用巨型竹筒裝住既印度羊肉香料飯，好特別～上枱時店員會將竹筒飯倒在蕉葉上，份量好多！配料有羊肉、蔬菜及香料，味道香濃偏辣。飯粒係較長身，幾有咬口，羊肉煮得軟腍又入味，而且唔會