Video
Read full review
2022-11-13
1406 views
元豐園原來係香港經營咗好多年，只係比較少人提及，偶爾得知依間餐廳，所以決定同朋友一齊試😋韓國人開嘅餐廳一定夠哂正宗，食物選擇唔少，甚至平時比較少見嘅燉銀雪魚、燒鰻魚都有。服務態度唔算殷勤，唔會特別主動幫你燒食物，不過你要求佢燒，佢都肯嘅。當晚服務態度冇好似有啲評價講到咁差嘅，至少我一打電話過去就有人聽電話同順利訂到枱，而唔係好似本家咁巴閉俾個男人cut幾次線🤬食物質素嚟講，我係高度評價，絕對會encore🥰海鮮煎餅基本上每一間韓國餐廳都有嘅菜式，但做得特別好食嘅地方真係唔多！依度嘅煎餅真係優秀，口感香脆，唔會麵粉感好重👍🏻醬油蟹唔需要提早預訂就有得食，可能咁啱4-6月係醬油蟹當造季節，蟹膏較明顯，肉質亦特別鮮甜🦀馬鈴薯排骨湯大大煲，排骨份量都多，味道愈煲愈濃郁，亦唔覺得重味精，冬天熱辣辣飲湯真係一流🍲由於燒物要叫兩樣食物以上先開爐，所以為咗食燒鰻魚，叫埋一份韓牛。韓國燒鰻魚同日本嘅非常唔同，由頭到尾都唔需要用任何醬汁直接烤到焦香。製作方式唔同之外，魚肉燒完比較乾脆，出奇地唔會食到幼細嘅魚骨。燒完之後沾上薑絲同甜甜嘅醬汁，包住紫蘇葉食，別有一番滋味！韓牛就相比之下加比較普通，分量偏少，油
元豐園原來係香港經營咗好多年，只係比較少人提及，偶爾得知依間餐廳，所以決定同朋友一齊試😋韓國人開嘅餐廳一定夠哂正宗，食物選擇唔少，甚至平時比較少見嘅燉銀雪魚、燒鰻魚都有。
服務態度唔算殷勤，唔會特別主動幫你燒食物，不過你要求佢燒，佢都肯嘅。當晚服務態度冇好似有啲評價講到咁差嘅，至少我一打電話過去就有人聽電話同順利訂到枱，而唔係好似本家咁巴閉俾個男人cut幾次線🤬
食物質素嚟講，我係高度評價，絕對會encore🥰海鮮煎餅基本上每一間韓國餐廳都有嘅菜式，但做得特別好食嘅地方真係唔多！依度嘅煎餅真係優秀，口感香脆，唔會麵粉感好重👍🏻
醬油蟹唔需要提早預訂就有得食，可能咁啱4-6月係醬油蟹當造季節，蟹膏較明顯，肉質亦特別鮮甜🦀馬鈴薯排骨湯大大煲，排骨份量都多，味道愈煲愈濃郁，亦唔覺得重味精，冬天熱辣辣飲湯真係一流🍲
由於燒物要叫兩樣食物以上先開爐，所以為咗食燒鰻魚，叫埋一份韓牛。韓國燒鰻魚同日本嘅非常唔同，由頭到尾都唔需要用任何醬汁直接烤到焦香。製作方式唔同之外，魚肉燒完比較乾脆，出奇地唔會食到幼細嘅魚骨。燒完之後沾上薑絲同甜甜嘅醬汁，包住紫蘇葉食，別有一番滋味！韓牛就相比之下加比較普通，分量偏少，油脂偏高，有啲圖文不符🫣
醬油蟹(2pcs) $468
韓牛 $328-$378
韓國燒鰻魚 $398
海鮮煎餅 $128
馬鈴薯排骨湯 $378
Post
