Video
Read full review
2023-06-06
41 views
平時想約朋友去食下好嘢，尖沙咀通常都會係其中一個會考慮嘅地點，而呢日朋友又話想食墨西哥菜，就揀左既係bar同時亦都係餐廳既呢度😋餐廳入面燈光昏暗，枱面擺咗小夜燈，音樂播得唔會特別太聲，整體嚟講算係偏chill嘅氣氛😚而講到食墨西哥菜，就梗係唔可以放過nachos同tacos啦😆・････━━━━━━━････・✨Buffalo chicken nachos $138呢一份Buffalo chicken nachos份量頗大，雞肉係唔辣選擇🧡不過要留意番入面撈埋左少少芫荽，唔食芫荽嘅朋友仔就可能要注意落單嘅時候要提一提啦🤣然後nachos另外一個好重要嘅部份，當然就係粟米片啦😆粟米片上面本身會有少少芝士同埋buffalo sauce，其實本身已經非常好味，不過佢哋配埋side嘅牛油果醬同埋酸忌廉又會有另一種風味🤤特別係佢嘅酸忌廉，有時好怕會食到啲太酸嘅，而佢呢個就唔會，酸得啱啱好，解膩嘅同時又多咗另一種風味🥰✨ Chimcuri shrimp tacos $142而Tacos方面我哋就揀咗，意式香草蝦呢一款💛同樣係要留意番呢一道菜都係有落芫荽嘅，同埋係切碎沈上去，如果好似我地咁對芫荽味好
餐廳入面燈光昏暗，枱面擺咗小夜燈，音樂播得唔會特別太聲，整體嚟講算係偏chill嘅氣氛😚而講到食墨西哥菜，就梗係唔可以放過nachos同tacos啦😆
・････━━━━━━━････・
✨Buffalo chicken nachos $138
呢一份Buffalo chicken nachos份量頗大，雞肉係唔辣選擇🧡不過要留意番入面撈埋左少少芫荽，唔食芫荽嘅朋友仔就可能要注意落單嘅時候要提一提啦🤣
然後nachos另外一個好重要嘅部份，當然就係粟米片啦😆粟米片上面本身會有少少芝士同埋buffalo sauce，其實本身已經非常好味，不過佢哋配埋side嘅牛油果醬同埋酸忌廉又會有另一種風味🤤特別係佢嘅酸忌廉，有時好怕會食到啲太酸嘅，而佢呢個就唔會，酸得啱啱好，解膩嘅同時又多咗另一種風味🥰
✨ Chimcuri shrimp tacos $142
而Tacos方面我哋就揀咗，意式香草蝦呢一款💛同樣係要留意番呢一道菜都係有落芫荽嘅，同埋係切碎沈上去，如果好似我地咁對芫荽味好敏感要剔走嘅話就會好狼狽㗎啦🤣
Chimcuri shrimp tacos
6 views
0 likes
0 comments
講番tacos本身嘅味道先，用嚟撈蝦肉嘅香草唔會太多，食到香草嘅味道同時唔會蓋過晒啲蝦味😙而且每一嚿Tacos上面都會擺咗一小塊青檸，青檸特有嘅香味配合意式香草，再加埋少少酸，成個感覺好fresh好清爽😋
✨ Mexican Beef Taco Salad $138
Mexican Beef Taco Salad
6 views
0 likes
0 comments
入面有牛油果、蕃茄仔、牛肉，芝士同埋沙律菜等等，呢款沙律係我同我朋友都覺得今晚之中有驚喜嘅😍
本身上菜嗰陣睇到醬汁俾得唔少，我哋本身以為係沙律醬，所以其實怕會好膩，但係之後食落發現原來係酸忌廉😆所以食落口感覺其實好輕盈🌟而且我哋好鍾意佢中間落咗石榴，增加咗沙律菜之外，另一種爽脆嘅口感，而且甜甜嘅石榴味竟然同牛肉芝士唔衝突之如仲好夾添🤤而且食之前記得撈勻佢哋，每一啖都包含所有材料就係最好啦🥰
✨Dark chocolate smoothie $82
雖然話係黑朱古力，但係會有少少甜，不過朱古力味好濃，鍾意飲朱古力嘅話可以一試😝
・････━━━━━━━････・
📍8Five2 Restobar
尖沙咀天文臺道8號地下2號舖
Post
