源記餐廳

Open Now

Now Closed

尖沙咀源記粉麵星期日途經尖沙咀，好想食源記嘅牛腩粉，以前最鍾意佢嘅竹腸河，可惜今時唔同往日，有得睇但唔敢再放肆去食咁肥膩嘅食物啦！烘底麵包夠晒熱，麵包搽咗一層薄薄鹹牛油味道香濃好食。而火腿奄列煎得啱啱好，味道亦都正常、炸豬扒肉味淡薄，肉質腍身兼夠水份都算可以接受。牛腩五香醃料味濃，牛腩肉味重冇臊味，河粉夠嫩滑口感細膩，湯汁偏向淡味，有水準唔會過鹹。熱檸茶茶色靚可惜味淡無茶味。杯碟碗筷乾淨，餐廳座桌清潔，餐廳空調弱有油煙味，裝修光猛簡單帶啲土豪金味道，枱凳相對比較狹窄，店員有禮貌殷勤。