山本屋 (海運大廈)

Open Now

Now Closed

係圍方排晒長龍嘅烏冬店，終於開分店分散下啲人，黎到海港城呢間唔洗排就入去試下佢嘅手打烏冬。叫咗一碗老店傳統味噌年糕烏冬，另一碗忌廉平烏冬，再加個炸豆腐。日式炸豆腐先黎炸豆腐，有4舊，炸得啱啱好，豆腐亦好滑，即叫即炸加埋醬汁同面頭嘅蔥一齊食相當唔錯，28蚊一份都可以接受。吉烈豬扒煮烏冬 (老店傳統味噌湯)追加年糕味噌湯烏冬就原煲滾住上枱，湯底好濃，烏冬煙韌好掛湯，吉列豬扒就好普通，另外追加嘅年糕其實都好食大大粒，但原來15蚊得2粒。吉列蝦明太子忌廉平烏冬吉列蝦明太子忌廉平烏冬就係尖沙咀店限定。對比落湯烏冬，平烏冬冇咁煙韌似扁意粉咁。中間有蛋黃撈埋一齊食，明太子味比啲蛋醬完全cover咗，有啲可惜。總括黎講，如果冇人排隊可以入黎食碗味噌湯烏冬。問過店員尖沙咀店大過大圍店一倍，地方闊落，如果安排到坐窗口位仲可以望住維港同碼頭。