肉搏食堂 (Closed)

📍肉搏食堂厚福街出左名多食店，行過肉搏食堂門口有位職員介紹特色丼飯都好吸引，牛肉講到係慢煮應該會特別淋，所以決定入去試下。👅慢煮牛肉飯 $88慢煮牛肉表面依然透紅，一片片牛肉堆到成座山咁高，食入口好鮮嫩，牛肉味好重，加埋面頭既雞蛋黃令到牛肉片更加嫩滑，連埋燒汁同埋酸忌廉汁就愈食愈開胃。👅海膽牡丹蝦雜錦刺身丼 $148刺身用料好豐富，有海膽、三文魚、吞拿魚、油甘魚、牡丹蝦同埋三文魚子。所以刺身都好新鮮，海膽既份量都好多。壽司飯再加埋蛋黃既汁食真係好滿足。👅朱古力曲奇沙冰 $58呢杯沙冰隻杯好得意，一放落枱就忍唔住即刻打卡，朱古力沙冰唔會太甜，上面仲有兩條黑白配既曲奇，加埋忌廉一齊食都唔會太膩。👅玫瑰荔枝梳打 $58呢杯梳打既粉紅色真係好吸精，每啖都飲到荔枝既甜味，味道好清新，梳打好夠汽好清爽。