Fog Bar & Restaurant (Closed)

今日同男朋友嚟到尖沙咀搵嘢食，突然之間好想食下西餐但又唔想淨係食牛扒嗰啲，最後就搵到依間fog bar西式餐廳，佢店舖唔係好大但裝修充斥着西方嘅風情，坐低之後轉左佢嘅Menu好多好吸引嘅食物例如Pizza，nachos等等。而佢亦都有好多唔同酒嘅選擇，但因為我同男朋友都唔係特別鍾意飲酒所以就冇叫到。首先我哋叫咗個芝士牛肉焗粟米片，原本粟米片會好膩，但佢嘅醬汁令到食落嘅時候唔會覺得好油膩，而且粟米片亦都keep得住脆度，之後我哋又叫咗烤雞芝士panini ，佢唔算好大哥而且材料十足，食嘅時候每一口都充滿着香草嘅醬汁同埋雞肉，真係好好食。最後我哋就叫咗一個特級多寶pizza，因為佢望落咩材料都有，而因為我哋已經有少少飽所以叫咗一個八吋嘅，而去嘅Pizza係薄皮嘅，所以食埋之後我哋兩個嘅份量都啱啱好