Wavy Bar & Restaurant

Open Now

Now Closed

平時都比較少黎天文台道呢邊搵食，今次就想CHILL D 所以朋友就揀左呢間食飯。一上到去就覺得個燈光都打得幾有FEEL，而且入面有好多野玩，飛鏢、桌球等等，不同日子仲會有LIVE JAM 同埋 BUSKING，食完飯可以直落 唔洗特登搵間吧再飲野！正丫🔴田園沙律好fresh，啲菜好新鮮加埋個醬超開胃。擺盤擺得幾靚，令人食指大動。 🟡辣醬松露海鮮意大利麵 松露味好香，海鮮份量都十足，雖然鍾意食辣嘅人可能嫌唔夠辣，不過整體配搭不錯。 🟢自家製泰式松阪豬松阪豬好好味，好JUICY又好鮮嫩又夠晒香。 再加埋佢D醬一齊食，送酒一流。 🔵 炸魚薯條🍟🐟佢地既炸魚薯條唔似平時見開既一大塊炸魚，係分開一舊舊，而且唔係就咁買冷藏既返黎，係餐廳自己整架！係呢方面就見到餐廳既心思。份量十足又炸到金黃色，好吸引。 🟣 炸生蠔有三款唔同嘅口味😍😍樣樣都調配得唔錯，而且啲蠔大大隻得黎又好新鮮，好抵食，值得叫黎試試。