Tapa Room (Closed)

話說我超鍾意食西班牙Tapas🇪🇸，因為貪佢細細碟，種類繁多以及味道濃郁。除舊迎新咁開心，我就同朋友去咗位於尖沙咀The Nate嘅「Tapa Room」食晏。餐廳面積唔大，不過裝修幾四正，而且充份採用落地玻璃窗嘅陽光曬入室內，所以環境好光猛。我哋獲安排坐喺高枱，空間感更佳👍，而且靠近窗邊，能夠望到山林道嘅街景。值得一提係餐廳放餐具嘅櫃桶🍴排列得好整齊。西班牙薯仔蛋餅配日式明太子($88)，🥚蛋餅可算係西班牙Tapas之首，亦係普遍以及呢間餐廳最好食嘅菜式😋。依度嘅蛋餅比其他餐廳嘅出品更出色，因為將明太子融入蛋餅，毫無違和感，而且更多咗一份鹹香。切開後更有流心嘅效果，蛋餅內嘅薯仔粒🥔亦為蛋餅提升口感。薄切慢煮八爪魚配日本海葡萄($98)，呢個作為前菜非常惹味，墊底嘅橄欖油同酸汁好開胃。🐙薄切八爪魚有四片，配搭埋爆脆嘅海葡萄🍇同明太子食，味道好豐富。西班牙黑毛豬火腿及柚子蜜茄子卷配日本柚子醋汁($68)，呢個小食嘅組合有唔同層次，最外層係風乾火腿，入一層係茄子🍆，再入面就係生菜。醬汁用上柚子醋，所以甜甜哋，幾得意🍋。棒棒鵝肝配日本清酒($98)，呢道菜嘅賣相好啱打卡📸，不過味道我就麻麻。