嘉寶漢堡 (和益中心)

Open Now

Now Closed

位於TST寶勒巷和益中心的嘉竇漢堡，主打港式漢堡包，老少咸宜。餐牌的漢堡款式，比起一些大型連鎖快餐店還要多，牛、雞、豬、蝦、羊、素食等十七款漢堡包，目不暇給。而且漢堡包跟餐，都係加18蚊，最平嗰款都只不過係60蚊，所以相當划算。今次點了大啡菇芝士牛堡同黑松露芝士牛堡套餐，加左薯缾、香脆粟米雞塊同埋BBQ味雞翼。大啡菇芝士牛堡材料真係相當豐富，除左滿滿的生菜蕃茄和芝士，仲有大大塊啡菇再加上juicy牛肉漢堡扒，估唔到菇菌同牛肉漢堡兩種不同口感加埋一齊，係咁滋味。而黑松露芝士牛堡，充滿黑松露醬汁味道。主食漢堡以外，還有香脆粟米片雞塊。估計係雞塊沾上粟米脆片同炸粉然後再落油炸，所以口感相當香脆，而又吃到嫩滑雞肉。薯餅都不錯，脆脆薯香味濃。BBQ味雞翼，雞皮表面充滿香濃醬汁，味道少許辛辣帶酸甜，相當惹味!仲有一個值得一讚的位就係餐廳內有自動洗手機，餐前餐後洗手洗手，乾乾淨淨，相當方便。