狂野麻神麻辣火鍋 (Closed)

登登登登！今次想同你地分享一間好高性價比嘅火鍋店，就係喺尖沙咀嘅狂野麻神麻辣火鍋🔥先講一講佢哋嘅麻辣湯底入面總會有我最鍾意嘅果凍鴨血，鴨血係一定要係跟麻辣湯底先夠好味🥹好鍾意佢哋啲鴨血全部都好大塊，入口又滑，完全唔會話散開。佢哋仲有五款唔同嘅牛肉，估唔到有咁多選擇，分別係牛頸脊、牛小排、牛胸爽、牛根膜 、一口牛。牛肉賣相十分之吸引，而且食落都有好香嘅牛肉味道。海鮮盛合有勁多貴價海鮮，估唔到！仲要擺得好靚添😍第一眼已經望到佢哋嘅鮑魚係好靚好肥美㗎！真係食完都抵返晒😆邊有諗過有咁高質。