熊本牛鍋 (永勝商業中心)

Open Now

Now Closed

是晚放工走到港式火鍋店林立既山林道，食日式涮涮鍋~ 若非之前上黎openrice search新食店，單靠大廈樓下既小燈箱實在不顯眼，店既入口亦有私房菜味道～食開日式涮涮鍋都知道用餐時間一般係90分鐘，而呢度既賣點2小時，可以慢慢食。唔洗咁趕又可以食好d~揀左極上A4黑毛和牛套餐，$298呢個價錢比其他涮涮鍋抵食，同時又可以試多點款式。點完餐，先到飲品柜拎野飲，要一讚呢度既自家制五花茶夏枯草已入樽，方便又衛生，味道唔太甜。　當然唔少得汽水、烏龍茶、韓國果汁，不過因為未領有酒牌，所以未有酒精飲品。　自助配料款式都齊全，丸類、蔬菜種類唔少～而我最中意係手打蝦滑，爽口彈牙。明太子丸、菜肉餃，鮮蝦雲吞都好食不過實在食到太多！　湯底揀左沙嗲湯，店員話用左潮州既做法，味道香得黎又唔太遮蓋肉味～　另外蕃茄薯仔豚骨湯，略帶酸甜味道食起上黎又會開胃D。肉方面，A4黑毛和牛當然唔會令我地失望啦！　雪白既油花，入口香滑充滿牛油香氣～頂級牛小排牛味較濃，油脂均勻，肉汁鮮嫩香甜。加拿大豚肉質素亦不錯，脂肪香滑爽口不油膩～　牛肩胛肉質較實淨，有咬口，肉味亦偏重。　最後留返10分鐘食雪糕cool down一下~ 呢