DAMA (Closed)

上次食過dama既純素雞蛋仔，印象好深刻🥰今次就再黎試下佢既其他食物，呢度有得嗌餅卷套餐或者麵食套餐，可以跟一款飲品或者湯。特別鍾意呢度既飲品，就算黎淨係買杯野飲走都開心。  餅捲套餐（$88） 1⃣️日式麻醬烤豆腐卷 入面材料好豐富🤩有生菜、牛油果、紅蘿蔔、百頁豆腐、枝豆，有淡淡麻醬香，醬汁份量唔會太多令人感覺好heavy。成個捲感覺好健康，而且食落清爽，再加上牛油果creamy既質感，口感唔錯😌  2⃣️火龍果海鹽杏仁奶蓋烏龍茶  呢杯飲品好有驚喜😍火龍果烏龍茶係打成沙冰狀，好清涼解渴，而且飲得出真材實料既水果香味，甜度啱啱好，應該冇額外加好多糖。最最最驚喜既係面頭既奶蓋，純素既杏仁奶蓋，果仁既味道好出🤤而且質感好厚實。第一次飲純素既奶蓋茶飲，冇諗過可以咁正😳