Le Viet

Open Now

Now Closed

The One呢間越南餐廳行街經過好多次，見到佢而家出咗越南小黃牛肉粉系列，天氣涼涼地好想食碗熱湯粉就入咗去食晚飯。越式拼盤 $118首先嗌個小食先，呢個拼盤啱晒我哋，有齊蝦餅、越南春卷、蒸粉包同埋燒香茅豬頸肉，款款都唔錯，我就最鍾意餡料惹味嘅蒸粉包同埋炭燒得好香嘅彈囗多肉汁豬頸肉。越式雪花牛湯河 $92湯粉熱辣辣香噴噴，雪花牛肉鬆軟，配上清甜嘅湯底，河粉朔晒湯汁好好味，食嘅時候加上青檸汁味道更加突出滋味。椰青海鮮焗飯 $118賣相好吸引，滿到瀉。椰汁清香帶少少甜，成個焗飯好似入咗口，感覺一啲都唔會膩。配料方面有蝦、蜆肉、八爪魚、青豆同埋一啲提子乾，配埋椰汁飯味道好夾，感覺輕盈清爽。